Esperientzia pilotua – Gure Platera Gure Aukera

Udaberrian abiatuko da Urduñako esperientzia pilotoa

Lurdes Kris — Thu, 16 Nov 2017 17:44:04 +0000

Hainbat urtetako ametsa beteko da udaberrian Urduñako eskola publikoan. Egokitzapen obra batzuk egin ondoren, eskola publikoko jangela bertako produktuez eta ekologikoez hornituko du jadanik zaharren etxea zerbitzatzen duen udal sukaldeak. Hauxe izango da Eusko Jaurlaritzako Hezkuntza sailak onartutako laugarren eta azken esperientzia pilotoa.

Luzea izan da bidea 2012an udal sukaldearen egitasmoa martxan jarri zuenetik Orduñako udalak. Hainbat bilera eta mobilizaziok eman dute emaitza eta gainditu dira administrazioak ipintzen zituen trabak.

Orain obrak egiteko momentua da, biltegia eta espedizio lokala handitu behar bait dira. 2018aren hasieran abiatuko ditu Udalak obrak eta IGEari kudeaketa berrirako prestatzea dagokio udaberrian esperientziarekin hasi ahal izateko.

Pozik daude Orduñan eta baita gu ere. Zorionak!

Kudeaketa propioak hilabete Laukarizko eskolan

Lurdes Kris — Tue, 03 Oct 2017 07:31:32 +0000

Hilabete pasatu da ia Laukarizko eskolako publikoko IGE-ak eskola-jangelaren kudeaketa bere gain hartu zuenetik, Eusko Jaurlaritzako Hezkuntza sailak aukeratutako hirugarren proiektu pilotua baita.

Bertara hurbildu gara esperientzia nola doan ezagutzera.

Oraindik egiteko asko dagoen arren, familiak eta IGE-a oso pozik daude aldaketarekin. Eskolako umeak oso gustura daude menu berriarekin, baita sukaldariak ere, kalitate hobeagoko produktuekin egiten dutelako lan eta lan-karga ez delako asko handitu.

Azken bi ikasturteetan, IGE-ko ama talde batek izugarrizko lana egin du hornitzaileak eta bertako ekoizleak bilatzen, menuak egiten eta abar. Egun, eurak arduratzen dira eskaerak egiteaz, diru-kontuez eta ikastetxearekin elkarlanean aritzeaz jangelako kontuetan.

Hornitzaile gehienak bertakoak dira eta asko ekologikoak. Arraina Ondarrutik dator (Markina eta Gernikan bezala). Haragia Mungiatik eta oilaskoa Zamudiotik. Errigoitiko basa-arrautzak jaten dituzte eta pasta eta lekariak ekologikoak dira. Zaragozatik dator olio ekologikoa eta Gizaburuagatik tomatea eta piperra. Sagarrak Gatikatik eta barazkiak bertatik, eskolako familia batzuk ekoizleak baitira.

Epe motzerako helburuen artean daude ebaluazioa egitea familia eta ikasleen artean, baita familiak sentsibilizatzea ere elikadura orekatuaren inguruan.

Menua ez den arren behin-betikoa, urte amaierarako zehaztu nahi dute bost astean behin txandakatuko den bat, martxan dauden bi esperientzia pilotuetan egiten den bezala.

Allende Salazar, eredu berri bat jantokian

Lurdes Kris — Fri, 10 Jun 2016 11:10:47 +0000

ALLENDE SALAZAR EREDU BERRI BAT JANTOKIAN from Oizmendi telebista on Vimeo.

Allende Salazarko jantokiko hornitzaileak aukeratzeko lehiaketa

Lurdes Kris — Thu, 12 May 2016 16:37:25 +0000

Gernikako Allende Salazarko Guraso Elkarteak jantokiko zerbitzua kudeatuko du irailetik aurrera. Eskolan bertan dauden instalazioetan, tokiko ekoizpenetik eta zuzenean ekoizleengandik eta merkataritza txikitik eskuraturako lehengaiekin, nekazaritza-ekoizpen ekologiko bidez ekoiztutakoak lehenetsiz.

Jantokiko hornitzaileak aukeratzeko lehiaketa egiten ari dira, maiatzaren 9tik 18ra jasoko dituzte eskaerak. Info +

Alternativas para la gestión de comedores escolares

Lurdes Kris — Mon, 25 Apr 2016 16:19:04 +0000

El 28 de abril BIGE ofrecerá la charla “Alternativas para la gestión de comedores escolares – experiencia de Markina”. Por un lado, EHIGE nos explicará su punto de vista sobre comedores escolares. Por otro, conoceremos el proyecto piloto de la escuela de Markina, de la mano de una madre del centro. Para terminar, tendréis la posibilidad hacer preguntas y procuraremos resolver todas vuestras dudas. Esta actividad está dirigida a toda la comunidad escolar.

Cartel

Markinako Bekobenta eskolako jantokia

Lurdes Kris — Fri, 15 Apr 2016 15:47:36 +0000

Markinako Bekobenta eskolako guraso elkarteak eskolako jantokia kudeatzen du apirilaren hasieratik. EITBren bideo honetan azaldu dute: