Larrabetzu – Gure Platera Gure Aukera

Larrabetzuko eskola-jantokia erreferentziazko eredu

Lurdes Kris — Thu, 27 Sep 2018 11:25:03 +0000

Irizpide agroekologiko eta tokiko ekonomian oinarrituriko ereduaren erreferentziako esperientzia da Larrabetzuko eskola-jantokia. Gurasoen Elkarteak kudeatzen du.

Elkarteak zehazten ditu menuak eta erosketak eta bera arduratzen da langileak kontratatzeaz. Hartara, harreman estua dute inguruko ekoizleekin eta merkatariekin.

Helburuak:

-Osasuna eta nutrizioa:Betiko eran sukaldatutako dieta orekatua,tokiko eta garaian garaiko lehengaiekin, ahal den neurrian ekologikoak.

-Erantzunkizun ekonomikoa: Tokiko lehen sektorea eta merkataritza bultzatu, langileen kontratazioan herriko biztanleak lehentasuna.

-Hezkuntzan txertatzea: elikadurarekiko ohitura onetan heztea. Elikaduraren garrantzia, herriko ekonomia bultzatzearen garrantsia, elkarbizitza,ondakinen ustiapena, eskolako ortua…

Larrabetzuko jantokia proiektua zenbakietan:

-250 menu egunean.

-Jatorduak hiru txandatan antolatura.

-14 langile: begiraleak eta sukaldariak.

-190.000 € aurrekontua ikasturteko.

-Aurrekontuaren %80 herrira itzultzen da: soldatak, dendak, baserritarrak.

-Langileen kontratazioan, Larrabetzu eta Morgako biztanleak lehenesten dituzte.

-Betíko eran prestatutako lehengai fresko eta sasoikoak.

-Beharrizan bereziak dituzten umeentzat, dieta pertsonalizatua.

www.larrabetzu.eus

Bilera proiektu pilotoekin eta euren jantokia kudeatzen dute beste ikastetxeekin

Lurdes Kris — Tue, 29 Nov 2016 17:32:35 +0000

Pasa den astean bilera bat egin genuen proiektu pilotuekin (Gernika, Markina, Orduña eta Laukariz) eta jantokia beti kudeatu duten hiru ikastetxeekin (Larrabetzu, Altzaga-Erandio eta Deustuko ikastola) bi helburuekin: elkarlana sustatu eta etorkizunean bide berdina egin nahi duten ikastetxeentzako materialak sortzea.

Erronkak identifikatzeaz gain (araudia aldatzea, ikastetxe berrientzako gida, menuak hobetzea, prestakuntza), erronka hauei aurre egiteko planifikazioa prestatzen hasi gara. Beste gauza batzuen artean, datu base bat egiten hasiko gara etorkizunean jantokia kudeatu nahi duten ikastetxeei lana arintzeko asmoz.

Larrabetzuko Gurpide elkartea

Lurdes Kris — Sat, 09 Apr 2016 15:55:29 +0000

Gurpide elkartearen helburu nagusiak Larrabetzun kalitatezko produktuak sustatzea eta aurrera ateratzea da. Larrabetzuko eskola publikoak proiektu honetan parte hartzen du, bere eguneroko 255 menuetan 0km-ko produktuak erabiltzen ditu.